హిందూ సంప్రదాయం ప్రకారం హజల్‌ కీచ్‌ ని మళ్లీ పెళ్లి చేసుకున్న యువరాజ్‌ సింగ్
మూడు రోజుల క్రితం సిక్కుల సంప్రదాయం ప్రకారం టీమిండియా ఆట‌గాడు యువరాజ్‌ సింగ్, బాలీవుడ్ నటి హజల్‌ కీచ్‌ ల పెళ్లి అంగ‌రంగ వైభ‌వంగా జ‌రిగిన విష‌యం తెలిసిందే. అయితే, పెళ్లి కూతురిది హిందూ సంప్రదాయం కాబ‌ట్టి వాళ్లు నిన్న ఆ సంప్ర‌దాయంలో మ‌రోసారి పెళ్లిచేసుకున్నారు. ఎటువంటి హంగూ ఆర్భాటాలు లేకుండా ఈ తంతు నిర్వ‌హించారు. ఈ వేడుకలో వ‌ధూవ‌రుల కుటుంబ సభ్యులు, కొందరు స్నేహితులు మాత్ర‌మే పాల్గొన్నారు. ఇరు కుటుంబ సభ్యుల అభీష్టం మేరకు మేరకు యువరాజ్‌, హజల్‌ ల వివాహాన్ని సిక్కు సంప్ర‌దాయంతో పాటు హిందూ సంప్రదాయాల ప్రకారం కూడా జరిగింది.
కాగా, ఈ నెల 7న ఢిల్లీలో వీరి పెళ్లి విందును ఘ‌నంగా నిర్వ‌హించనున్నారు. ఈ రిసెప్షన్‌కు ప్రధాని నరేంద్ర మోదీ, బాలీవుడ్ న‌టులు అమితాబ్‌ బచ్చన్‌, సల్మాన్ ఖాన్‌తో పాటు ప‌లువురు రాజకీయ నాయ‌కులు, సినీ ప్ర‌ముఖులు హాజ‌రయ్యే అవ‌కాశం ఉన్న‌ట్లు తెలుస్తోంది.
